МАРОСИМ – Оҷонсии маросими дафн дар ш. Душанбе / Тоҷикистон

home tj

Оҷонсии маросими дафн дар ш. Душанбе / Тоҷикистон

Оҷонсии хусусии дафнӣ «Маросим», моҳи августи соли 2019-ум дар шаҳри Душанбе дар мувофиқа бо мақомоти идоракунӣ ва дар доираи қонунгузории Ҷумҳурии Тоҷикистон инчунин бо назардошти талаботҳои мазҳаби Ҳанафии дини мубини Ислом ифтитоҳ ёфтааст.

Бо назардошти тақозои тамаддуни ҷамъияти кунунӣ ва ҳолати вазнин будани рузи марг барои хешу таборони маит мақсади Оҷонсӣ ба он равона шудааст, ки ба мардум, маҷмӯи хизматрасониҳои марбут ба маросими дафн дар сатҳи замонавӣ пешкаш намояд.

Дар ҳайъати кории мо Роҳбар Шафари Саъидзода ва мутахассисони соҳибкасбу таҷрибадор бо донишу малакаи якчандсола дар бахши анҷомдиҳии чорабиниҳои марбут ба маросими дафн мебошанд, ки дар байни ҷамъият дорои эътибору эҳтироми хос мебошанд.

Мо ахлоқи ҳамидаро ҳамчун омили асосӣ дар рафти хизматрасонии чорабиниҳои дафн ба роҳбарӣ гирифта дар баробари ин хоҳиши муроҷиаткунандагонро бо назардошти талаботи ҷамъият ва қонунгузории давалату  шариат ба роҳ мемонем.  

Барои ташкилу анҷомдиҳии чорабиниҳои дафн мо соҳиби ҷиҳози хос мебошем, ки ҷумлаи онҳо ин нақлиёти махсус барои кашонидани маит ва хешу ақрабони он (Мерседес бо 8-10 ҷои нишаст), тобут, кафан, курпача, курсӣ ва  ғайраҳо.

 

Бо боварии том мегӯем, ки мо муроҷитаи шуморо дар сатҳи лозима иҷро намуда дар адои шартҳои шартномаи басташуда масъулияти баландро ҳис менамоем. 

Шахсоне, ки аз Тоҷикистон ба Федератсияи Русия ё дигар давлатҳои дунё бо сабаби камбизоатии зиндагии фақиронаи хоксориашон қарз карда, ба мардикорӣ мераванд, мутаассифона дар давоми мардикорӣ аз дунё мегузаранд ва муддати зиёд дар сардхонаҳо мемонанд ва соҳибони майит падар ва модараш ё фарзандонаш тамоман шароити овардан надоранд, дар асоси муроҷиати наздиконашон, мо метавонем майитро ба Тоҷикистон ройгон оварда, дафн намоем.

Барои бечорагон хизматрасонии маросими давфн тариқи имтиёзнок аз ҳисоби маблағи хайриявии саховатпешагон, анҷом дода мешавад.

Ба маҷмӯи хизматрасониҳои маросими дафн инҳо дохил мешаванд:

  1. Қироати сураи “Ёсин” ҳангоми сакароти мавт дар ҳолати зарурат;
  2. Рӯзи марги майит (ба ҷои гиря) тиловати Қуръон барои ором кардани ворисони мурда;
  3. Таъмин бо Кафан;
  4. Шустани майит;
  5. Дар манзилгоҳ қабр кандан;
  6. Бурдани марҳум тавассути нақлиёт ба масҷид ва мазор;
  7. Барои майит ташкили хондани намози ҷаноза;
  8. Тиловати Қуръон дар сари қабр дар рӯзи дафн;
  9. Маслиҳати ҷойи гӯр бо роҳбари мазор ва харҷи он;
  10. Хизмати духтур ва ҳамшира дар рӯзи дафн;
  11. Бурдани тобут ба хонаи майит, масҷид, мазор ва баргардонидани он;
  12. Дар сари манзил гузоштани санги мазор бо ному насаби майит;
  13. Пас аз дафни майит, дар давоми 3-рӯз дар сари қабри майит хатми пурраи Қуръонро хондан;
  14. Шинондани гулу дарахти ҳамешасабз дар сари қабри майит;
  15. Хабардор кардани хешу табори марҳум оиди баргузории ҷаноза;
  16. Таъмин бо курсӣ дар хонаи вафотшуда;
  17. Шахсоне, ки аз Тоҷикистон ба Федератсияи Русия ё дигар давлатҳои дунё бо сабаби камбизоатии зиндагии фақиронаи хоксориашон қарз карда, ба мардикорӣ мераванд, мутаассифона дар давоми мардикорӣ аз дунё мегузаранд ва муддати зиёд дар сардхонаҳо мемонанд ва соҳибони майит падар ва модараш ё фарзандонаш тамоман шароити овардан надоранд, дар асоси муроҷиати наздиконашон, мо метавонем майитро ба Тоҷикистон ройгон оварда, дафн намоем.
  18. Барои шахсоне, ки дар зиндон ҳастанд, мутаассифона дар зиндон аз дунё мегузаранд, хешу табори майит аз майит рӯй мегардонанд ва тамоман намехоҳанд, ки майитро аз зиндон ба манзилгоҳ баранд, метавонанд ҳаминхел шахсон ба мо муроҷиат кунанд, мо метавонем ин майитро аз зиндон ба масҷид ва аз масҷид ба манзилгоҳ ройгон барем.
  19. Дигар анъанаҳои марбут ба чорабинии  дафн.

Суроға: шаҳри Душанбе, кӯчаи Абуали Ибни Сино, 42

E-mail: info@agentstva.tj